ferðaskrifstofa 611 8811

Um Fararsnið

Ertu búin að fá nóg af löngum rútuferðum þar sem varla gefst tími til að nærast, hvað þá njóta þess sem fyrir augu ber? Langar þig að upplifa draumaferðina með hæfilegri blöndu af athöfnum og athafnaleysi?

„Ég hefði aldrei trúað því að ég gæti farið í svona ferð!“

Algeng ummæli þeirra sem komið hafa í ferðirnar okkar

Við hjá Fararsniði höfum tekið fagnandi hugmyndinni um velferðir (e. slow travel), þar eð við teljum að fólk vilji eindregið fá næði til að njóta augnabliksins á fallegum og framandi stað.

Við leggjum upp úr rólegri dagskrá á hverjum degi og þó um hreyfingu sé að ræða, þá er þess gætt að hún sé við flestra hæfi.

Hluti hópsins á sólríku kvöldi
Hluti hópsins á sólríku kvöldi.

Sælkeragöngur

Fararsnið ehf. hefur um nokkurt skeið sérhæft sig í ferðum sem við köllum „Sælkeragöngur“. Þar er lagt upp úr því að stunda holla hreyfingu og kynnast þeim svæðum sem um er að ræða með því að ganga um sveitir og þorp eða leigja sér hjól.

Hugmyndin er að hreyfa sig nokkuð á daginn og njóta lystisemda lífsins í mat og drykk á kvöldin. Við höfum valið okkar eftirlætis veitingastaði í borgum og sveitum og virta vínkjallara, sem taka gesti í skoðunarferðir um húsakynni sín og bjóða upp á smökkun og hvaða vín hæfi hvaða mat.

Við heimsækjum ólífubændur og fáum jafnvel að smakka mismunandi framleiðslu þeirra. Við höfum farið með fólk á matreiðslunámskeið og endað með konunglegri máltíð, sem allir hafa tekið þátt í að elda.

Sælkeraferðirnar okkar

Selkórinn í ráðhúsinu í Vínarborg
Selkórinn í ráðhúsinu í Vínarborg.

Tónleikaferðir

Eftir sem áður eru það þó tónlistarhópar, kórar og hljómsveitir á leið á tónlistarhátíðir, eða í sérsniðnar tónleikaferðir, sem eru stærsti hluti farþega okkar.

Samstarfsaðilar Fararsniðs ytra í þessum ferðum eru allt ferðaskrifstofur sem sérhæfa sig í móttöku slíkra hópa og standa í mörgum tilfellum fyrir alþjóðlegum hátíðum sjálfar.

Hafðu samband um tónleikaferð

The Education Show í Birmingham
The Education Show í Birmingham.

Kennaraferðir

Þá fjölgar stöðugt þeim hópum kennara sem ferðast með Fararsniði. Okkur hefur tekist að auðvelda kennurum og öðrum skólastarfsmönnum að komast á ráðstefnur, sýningar og í skólaheimsóknir erlendis, sem lið í endurmenntun sinni.

Hafðu samband um kennaraferð

Við sem rekum Fararsnið

Ásta Björk Sveinsdóttir

Ásta Björk Sveinsdóttir

Eigandi

Ég heiti Ásta Björk Sveinsdóttir og er nýr eigandi ferðaskrifstofunnar Fararsniðs. Hjónin Ágústa Helgadóttir og Jón Karl Einarsson hafa rekið Fararsnið frá árinu 2004 og má með sanni segja að fagmennska og metnaður hafi ráðið för í rekstri þeirra hjóna. Ég er afar spennt að taka við rekstrinum og staðráðin í að viðhalda þeim gæðum sem hjónin hafa haft að leiðarljósi.

Ég hef starfað á sviði mannauðsmála í hátt í 30 ár. Í starfi mínu hef ég skipulagt viðburði og afar fjölbreyttar ferðir starfsmanna út fyrir landsteinana. Auk þess hef ég skipulagt ýmsar ævintýraferðir fyrir hópa og má sem dæmi nefna afar velheppnaða sælkera- og rafmagnshjólaferð til Króatíu, þar sem við blönduðum saman siglingum milli króatískra eyja og hjólaferðum.

Einnig má geta þess að ég hef bæði skipulagt og séð um fararstjórn í skíðaferðum til Ítalíu og Austurríkis, árshátíðarferðum víða um Evrópu, fótboltaferðum og mótsferðum fyrir unglingalandslið HSÍ.

Guðbjörg Magnúsdóttir

Guðbjörg Magnúsdóttir

Fararstjóri

Það er mér einnig mikil ánægja að segja frá því að Guðbjörg Magnúsdóttir hefur gengið til liðs við Fararsnið.

Guðbjörg hefur margra ára reynslu af skipulagningu ferða, hvort sem er hér innanlands eða utan, og má eiginlega segja að hún hafi verið með annan fótinn á Ítalíu frá árinu 1994 og þekki því landið og menningu þess afar vel.

Það verður krefjandi en einnig mjög skemmtilegt verkefni að taka við af Ágústu og Jóni Karli, sem hafa skilað sínu verki af mikilli fagmennsku, natni og alúð. Við Guðbjörg munum leggja okkur allar fram við að viðhalda sömu gæðum, þar sem kjörorðin að njóta en ekki þjóta verða í hávegum höfð.

Fráfarandi eigendur

Ágústa Helgadóttir og Jón Karl Einarsson
Ágústa Helgadóttir og Jón Karl Einarsson

Við hjónin, Ágústa Helgadóttir og Jón Karl Einarsson, byrjuðum í fararstjórn hjá Ingólfi Guðbrandssyni árið 1985 og búum því að rúmlega 30 ára reynslu í ferðamennsku.

Það hefur verið áhugavert að byggja upp svona rekstur og kynnast á nýjan hátt atvinnuvegi sem við þó höfðum allnokkra reynslu af.

Það er skemmtilegt að sameina þannig ánægjuna af eigin ferðalöngun og ánægjuna af að kveðja þakkláta ferðafélaga í ferðalok.

Ferðaskrifstofa með leyfi Ferðamálastofu, starfrækt frá 2004.

Sjá ferðirnar

Póstlistinn

Við sendum póst þegar nýjar ferðir fara í sölu. Það er eina leiðin til að vera á undan — ferðirnar seljast yfirleitt upp fljótt.

Skrá á póstlista